පොඩි ළමයින් සමග නිවසේ රුදෙන දෙමාපියන් වෙත....
කුඩා දරුවන් සමග සිටීමේදි නිතරම ඔවුන් තමා වෙත අනුන්ගේ අවධානය යොමු කරවා ගැනීමට නිරතුරුව පෙලබේ. ඒ සදහා විවිධ ක්‍රියා කාරකම් කරමින් උත්සාහ ගනී. කිසිවකු ගේ අවධානය නොලැබුනහොත් ඇඩීමට පටන් ගනී. එවිට නොවරදාම දෙමාපියන්ගේ හෝ එතන සිටින අයෙකුගේ අවධානය ලැබීම නිසා මෙයට හුරු වන දරුවා අවධානය නොලැ බෙන සෑම විටකම ඇඩිමෙන් අවධානය ලබා ගැනීම පුරුද්දක් කර ගනී. ඒ සදහා ඔබ කල යුත්තේ ප්‍රථමයෙන්ම දරුවාගේ අවධානය දිගුවේලාවක් රදවා තැබිය හැකි නිතරම ඔහු වෙත නොගැටෙන නිතරම නුදුටු යම් කිසි අලුත් දෙයක් සමග ඔවුන් රුදවීමයි. උදාහරනයක් කියනවානම් හැම දාම දෙන සෙල්ලම් බඩු නොදී පොල් කුඩු ටිකක් හෝ හාල් ටිකක් එසේත් නැතිනම් පිරිසිදු වැලි ටිකක් බාජනයකට දමා ළග තැබීමයි. මෙහිදී සැලකිල්ලට ගත යුත්තේ දරුවාට ඇදුම් අන්දවා තිබීමයි. ඒ අතරම විටින් විට ඔබ දරුවා ගැන සැලකිල්ලෙන් ඔබ කරන වැඩය වෙත අවධානය යොමු කල හැකිය.
බොහො මවු වරුන් තම නිවසට කිසිවකු පැමිනි විට ඔවුන් හා කතාවට යාමේදී දරුවන් කේන්ති ගනී. කුඩා දරුවෙක් නිතරම සිතන්නේ මව තමන්ගේම පමණක් කියාය. ඇය හා වෙන කිසිවකු කතා කරනවාට ලගට එනවාට ඇය වෙන දරුවකු වඩා ගන්නවාට කැමැත්තක් නොදක්වයි. ඒ මන්ද මව ඇයට අයිති කෙනෙක් පමණක් බව සිතීමත් වෙනත් සබදතා ඇයට නොතේරීමත් නිසාය. මේ නිසා කුඩා දරුවන් සමග ගත කරන විට ඔබගේ අමුත්තාට කතා කිරිමට පෙර දරුවාට සුදුසු දෙයක් ලබා දීමට උත්සාහ ගන්න. (උදා කැමති කෑමක් හෝ සෙල්ලම් බඩ්වක් හෝ පාට ගාන්න චිත්‍රයක් හෝ ඉරා දමන්න කොල වැනි දෑ)
පෙර පාසල් යන වයසට වඩා අඩු දරුවන් සමග සිටින දෙමාපියන් නිතරම සිතනුයේ දරුවන්ට අකුරු කියවීමට ලිවිමට ඉක්මනින් හදුන්වා දීමටයි. එහෙත් ඊට පෙර ඔබ කල යුත්තේ ඔවුන්ගේ පරිසරයේ දක්නට ලැබෙන දේවලින් ඔවුන්ගේ ශබ්ද කොශය පොශණය කිරිමයි. බොහෝ විට දෙමාපියන්ට දරුවන් පරිසරය හා ගත කරවීමට කාලයක් නැත. එහෙත් අතිශයින්ම වැදගත් කරුන නම් එයම වෙයි. ගහ කොල සමග රැද වීමෙන් පාට වර්ග, උස මිටි, මහත කෙට්ටු, ගද සුවද, දිග කොට, සිනිදු ගොරෝසු, ඉහල පහල, ඉදිරිපස පිටුපස , පලවෙනි දෙවෙනි තුන්වෙනි, වැනි හැගීම් රාශියක් අදහස් රාශියක් ඔවුන්ගේ මනසට එකතු කල හැකිය. ඕනෑම හැගීමක් සංකල්පයක් දරුවාගේ මනසට හසු කර වීමේදී ඔවුන්ට ගැලපෙන ළමා ලෝකයේ තිබෙන උදාහරණ යොදා ගැනීමට සැලකිලිමත් විය යුතුය.
.png)
